20 лістапада ў школьнай бібліятэцы для VIII «А» класа прайшла паэтычная старонка “Пад сінім небам”, прысвечаная 75 – годдзю з дня нараджэння беларускай пісьменніцы Яўгеніі Янішчыц. Бібліятэкар Міхальчук Г.М. распавядала вучням што паэтка, Яўгенія Янішчыц, доўгія гады застаецца ў ліку самых таленавітых жанчын у беларускай літаратуры. Яе любяць, помняць, яе вершы чытаюць і перачытваюць, вывучаюць. Надзвычай светлая постаць Яўгеніі Янішчыц назаўсёды будзе зіхацець яркай зоркай на небасхіле беларускай паэзіі, жыць у сваіх кнігах і ў памяці сучаснікаў.